唔只，係每逢過時過一定要一齊食飯，中秋要食月餅，端午要食粽，年三十元宵要食湯圓個種傳統；你問佢幾時可以識男朋友，佢會問你點定義“男朋友”，問你咩叫拍拖？個種傳統。
早排問媽媽有冇買冬至有冇食湯圓，媽媽笑爸爸咁話你唔係到，屋企都唔齊人，邊有湯圓食？不過爸爸提議打邊爐。其實造冬唔一定要打邊爐，不過我好鍾意打邊爐，所以冬至實係打邊爐，然後十二點前爸爸就會係咁催媽媽煮湯圓（我生日個陣都一定會有蛋糕，有一次食完飯太飽，爸爸都三催四請要十二點前食兩啖）。
爸爸成日話我脾氣似媽媽好難嫁得出，因為冇條件咁愛我既人好少有，未必會遇到，個陣仲細，嚇到就黎喊，媽媽話：唏，我都搵到啦（媽媽成日都曬命），爸爸就搭嘴：咪係囉，俾你搵左喇嘛！我問咁我點算，爸爸話：咁有條件少少愛都有掛～
有條件好愛都得掛，有條件先得少少愛咁可憐？
屋企就係咁，人唔多，錢都唔多，但係學媽媽講：我地個家真係好溫暖，溫暖到我成日都覺得好熱流晒汗要開冷氣～
突然好想飛返香港同爸爸媽媽食湯圓……
沒有留言:
張貼留言